| Beitrag: E
baar Vierzyler zum Thema Dambuure:
E Gentleman, das isch e Maa,
wo zwoor richtig drummle kaa,
sich aber nohnem Schöne richtet
und uss Aaschtand druff verzichtet.
Dr Hansli sait zur Lehreri:
"Wenn y gross bi, wott y Drummler sy".
D Frau Lehrer sait: "Due Dy entschaide;
s goht laider nummen ains vo baide.
E Drummlen isch nit lutt als Sach,
vo sich uss miecht die nie so Grach.
Und wenn sy Lärm macht - kaa me saage -,
denn liggts an "menschligem Versaage".
Eltere sotte frieh sich tummle,
scho glainschti Buschi lehre z drummle.
No hänn die, wenn sy aaföön dängge,
doch öbbis zum an Nagel hängge.
Drummle hänn e moderate
Unterschiid zue Handgranate.
Baides dätscht saulutt und gräll,
nur stirbsch vom Drummle nit so schnäll.
Kai Unterschiid näbscht lutt und
lyser,
git s zwüsche Drummlen und Pariser.
Für baidi gilt - und das bedoon y -:
s isch aifach vyl, vyl schöner ohni.
Es git en Unterschiid, ganz fyn,
bi Drummlen und bi Trampolin.
Ych sag s euch jetzt, drum looset zue:
"Uff s Trampolin gumpsch OHNI Schueh".
Lieber schwygen und als Drummler
verdächtiget wärde,
als aafoo schwätzen
und alli Zwyfel besytige !
Das Denken fällt oft schwer,
indes,
das Trommeln geht auch ohne es!
( frey noh Wilhelm Busch )
Liebi Griess an alli myni liebe
DrummlerkollegInne
Vom Pfyffer Hansueli
|
